Digitale Sammlungen

Salutem a fonte salutis Iesu!
Vir plurimum Reverende, Frater in Domino Perdilecte!
Piam civis cuiusdam vestri voluntatem, mille florenos ad
manus Inspectorum orphanotrophei transmittendi, grato agnosco
animo. Ego vero quum causas habeam graves, quare curam
illus //urgenti successoribus meis in directione// orphanotrophei imponere nolim, rem hanc detuli ad
Facultatem, quae vocatur, theologicam, cuius sum membrum.
Eius Decanus communicato cum Collegis singulis //praesentibus// consilio,
his verbis, quid respondere T. R. debeam respondit //mihi exposuit//:
"Cum vota Collegii nostri, ut ad pium hunc usum desti-
nata pecunia sub ratione 5 ex 100 annui reditus a
Theologica Facultate eiusque Decano omni cura
ac fide administretur: ideo Reverendo Torkosio
indicari haec nostra voluntas poterit, ut summa
designata, quamprimum habuerit, ea conditione
huc remittatur. Halae d. 9//6//. 9br. 1722."
Habes, quae iussus sum ad T. R. //dignit.// perscribere. Si qua
in re Filio //tuo// inservire potuero, lubens id faxim. //Equidem//
quomodo //a studiis Academicis// ad officinam pharmacopoeam reduci possit ac
debeat, certe non video. Dominus alioquin //in eo etiam// voluntati
tuae in eo quoque promtissime essem satisfacturus.
Vale! Dominus Tibi et patriae, //Ecclesiae// vestrae sit propitius.

Hal. d. 6. 9br. 1722.