ex voto divina favente gratia longo licet post tem-
pore factum. Ex quo integrum fere annum apud
suos commoratus, repetitis de integro linguarum, disci-
plinarumque Philosophicarum studiis, anno XCVI. hanc
Fridericianam adiit, coeptum antea cursum divina
sub gratia persecuturus. Quo ubi venisset, Praecepto-
res nactus fidelissimos, Philologiam Orientalem
cum Theologia, quantum quidem per varia licuit im-
pedimenta, conjungere nunquam intermisit. Non enim
pueris tantum Graecis simul et Hebraicis instruendis
literis totum quinquennium et eo amplius operam
dedit continuam, sed ipsis etiam studiosis collegia
aperuit quam plurima, Graeca, Hebraica, Accentu-
atoria, Chaldaica, Syriaca, Samaritana, lectoria
pariter et fundamentalia. Ex superiorum jussu ac
voluntate hoc ipso anno Magisterii Philosophici
gradum suscepit. Nunc rei bene gerendae nactus
occasionem in studiis cum Philologicis, tum Theolo-
gicis solide excolendis, et ad verum finem dirigen-
dis omni studio elaborabit.