morborum genera, quibuscum mihi multum diuque
fuit conflictandum, incrementa optata non parum
sufflaminarunt. Anno 1730. Halam Magdeb. Deo
duce me contuli, ibique per quatuor annos doctissimorum
fidelissimorumque virorum industria sum fruitus.
Inter praecipua vero, quae mihi unquam obtigerunt
Dei beneficia summo iure refero, quod manuductione
Servorum quorundam Christi divinitus sum convictus,
Christum et mei causa in mundum venisse, ut me
salvaret, et propter ejus meritum me Dei gratiam
remissionemque peccatorum habere omnium.
Post hac Viennam sum missus, ut illic nonnullorum
mercatorum liberis inprimis Henrici de Palm
instituerem, quod et feci per duos annos et sex menses
usque dum vocatio ad Indos proficiscendi, eosque ut Missiona-
rio ad agnitionen Servatoris ducendi praeter spem
omnem mihi est oblata. Tam grave munus, quod cui
sustinendo humeri meis longe fortiores requiruntur
declinare gravissimae rationes suadebant quidem,
sed nutu divino satis luculenter cognito, morose re-
fra-