Biennium in hoc bonarum artium et virtutum mercatu commorari, eoque praeterlapso Bono
cum Deo altius ascendere Heliconios colles et Academiam petere erat animus. Recto-
rii itaque Neo-Soltq., cujus fideli sub informatione haud poenitendi in me redundarunt
fructus, caeterisque Praeceptoribus, Patronis ac amicis valedicens, Jenam ob suam cumprimis
prae caeteris Academiis annona vilitatem ac ubertatem adire constitui. Praeceptores
ac Professores per unicum annum, quo commorari huc dabatur, habere contigit in Philosophi-
cis Dominum D. Treunerum, in linguis autem sanctis Dominum Prof. Danzium. Deficientibus autem
iis, qua Soltq. collegeram et ex choro Symphoniaco mihi paraveram, subsidiis Jenam
relinquerer patriosque invisere Cares et Noribergam me conferre erat animus: spe fre-
tus certissima fore ut et ibi Deus mihi sit concessores studiorum meorum Patronos
ac Maecenates, qui tanta mihi rerum omnium inopia presso ope et auxilio suo sint
opitulaturi. Hac spe de divina benignitate concepta me non frustratum, sed amicorum
quorundam commiseratione, subsidiis quibusdam instructum cum viderem, curta licet
suppellectile, hilari tamen Deoque confidenti animo Altdorfium me contuli, omnisque pietatis
et elegantioris literatura instructum Theologum Dominum D. Langium, Coejus de Ecclesia Christi[ana]
instauranda pulcherrimis coeptis benignissimum Numen porro clementer adspiret audire,
favorem ejus lucrari, et ad pedes hujus ad cineres usque mihi venerandi Gamalielis ac Prae-
ceptores per unicum annum sedere mihi contigit. Cujus aeque ac Domini Prof. Rölenbeccii suo usu
consilioque vere Regiam hanc Universitatem, omnis doctrinae ac pietatis domicilium, moderan-
te ita Deo O.M., adire, studiaque, Deo, Ecclesiae proximique aedificationi unice dicatas ad
optatam perducere metam constitui. Faxit Deus ut in haec vidutis ac coelestis doctrinae
sede dignum me praebeum civem, et in hac doctrinae aeque ac verae pietata palaestra
graviter me exerceam, quo, divina ita annuente gratia, doctior redeam et melior
servet Benignus Deus Viros, quos ipse ad docendam ac propagandam doctrinam coelestem
huc vocare, quorumque assiduis laboribus hucusque adspirare et benedicere voluit. Conce-
dat porro ipsis vires ac spiritum roboris et fiducia, quo coelestem veritatem jam diu
satis in tenebris detentam et jucentem ab hostium Dei injuriis et machinis liberare,
exulceratissima haec, quibus Ecclesia Dei exposita est, tempora hominibus exponere, et
ab interitu eam vindicare possint. Qui ad hoc usque tempus mirando suo consilio me
duxit Benignus Pater, paterna sua gratia hic quoque locorum me comitetur! Et cum omnes
aetatis meae annos per calamitates transiri omnibusque fortunae telis expositum me reddere
voluerit, ad graviora forti infractoque animo perferenda me reddat idoneum. Revelet
mihi mysterium crucis, ne animum rebus in adversis abjiciamus, sed potius eo confiden-
tius ad ipsum confugiamus. Orandus est Pater luminum, ut potenter radios suos
immittat tenebris, et sic eas discutiat, ne pretissimum sincerioris sapientiae arcanum
prorsus sepeliatur et veritas antiqua temere rejiciatur. Hoc voto finiam: Te,
vero Lector omni honoris cultu prosequende amori ac misericordiae Jesu Christi,
me autem favori Tuo piisque precibus humillime commendatum velim
 
Scrib. Halae Magd. dedis Maj.
A.O. R MCCII
Johannes Baptista Habermannus
Norinbergensis.