ambigua excerpsisse et Consistorio communicasse dicitur. Quicquid sit, protrahi hoc sanctum
negotium, praesertim in tanta paucitate eorum, qui tuis partibus adhaerent, omnino
[in]credibile est, nisi Deus T. O. ἀπὸ μηχανῆς adspiret. Fuit apud nos tuus Compe-
titor Dn. Brüning, qui Concione una vel altera apud nostros habita magnum ap-
plausum consecutus est. Obtulerunt ipsi Vocationem Militarem s. Castrensem cum non
poenitendis conditionibus per Dn. Vagetium, certaque stipulatione futura[e] Promotionis ad Va-
cationem in sua Ecclesia. Quae tamen pollicitationes ipsum non potuerunt permovere,
ut categoricum assensum ipsis praeberet. Laudum suarum Occinatorem hic habuit
Dn. Mag. Vagetium, cui visus est habere aliquid Meierianae eloquentiae et grandi-
loquentiae. Distulit rem usque ad suum in Patriam reditum et Vocationem solennem
eo transmittendam. Noster interea Vagetius post celebratas nuptias alterâ
transacta septimana in vehementissimum et fere lethalem incidit febrim cum
sputo sanguinis, tussi ferina, in quo statu adhuc in nonum jam diem periculosè decum-
bit, cum paulo meliori tamen spe convalescendi. Faxit Deus ter O. M. quod in suis oculis
et Ecclesiae emolumentum est bonum. Caeterum de tuis rebus, si forte consilium et
mentem expetis, censeo, ut citra tergiversationem abrumpas omnem longam moram,
et ad nos iterum advoles; gratus expectatusque nobis multisque bonis venies; forte
et hic, quo minimè credas, gurgite piscis erit. – – Candidiore ipsos (fra-
tres Herbers.) in te esse animo prae fratre puto, quem Observatorem tuae Concionis
olim habitae fuisse ex Brüningii verbis mihi retulit Schwimmerus noster. Idem habet
literas à quodam Ecclesiae Narv. Curatore sibi familiari, in quibus de tua Vocatione
ejusque successu satis dubie scribit. Verum haec transeant. Tu, mi Clarissime
Dn. Scharschmidi, noli nimium hic esse scrupulosus, nec falsis te pollicitationibus
et Vocationis Divinae praetensionibus in transversum rapi sine, cum alibi rectius
pondus tibi à Deo concessum impendere liceat. Sed plura in hunc sensum non scribo,
ne mei vel meorum causa publica commoda remorari videar. Est tibi ductor
et doctor internus, qui te in omnem Veritatem ducet. Est tamen et vox Amici
vox Dei. Laurentiolus noster te pueriliter salutat, nec desinit tui desiderio
flagrare. Ipse hactenus eum pro temporis et exigui otii ratione informo praelecti-
one Dialog. Sacr. Seb. Castalionis. Exoptat mecum loco illarum chartarum
lacerarum aliud exemplar, si haberi possit alicunde. Quomodo ipsius Studiis
provideri possit, tuum expectamus Consilium. Tuas etiam preces pro nostra omnium
salute imploramus, non intermissuri pro fausto tuo et in honorem gloriamque Dei